四個婚禮一個葬禮

近日忙著公司擴張，同埋自己的婚禮，忙得團團轉。不過，做慣event的我，沒有甚麼大不了。只是活動同自己有關，總會費心多一點。

娛樂圈的「x個婚禮一個葬禮」掀起我今日講的話題—event management vs wedding planning。早幾年，朋友結婚，我跟幾位姊妹合作籌備，誇口說過「既然我們有經驗，wedding planning的生意應該有得做，但，經過今次切身籌劃，我只可以說異曲同工，但wedding planning並不是一門容易應付的生意...

首先，跟event一樣要確定你的對口contact，或者老闆。除左一對新人，雙方家長、親戚、姊妹、及有些公關經驗的朋友，你都可能要招呼。我想不難發現場面，呢村人浩浩蕩蕩步入結婚用品，七咀八舌提供「專業」意見，再者萬一新人沒有主見，或者更鬼主意的話，相信幾多隻kinder出奇蛋也不足應付。

然後定下core message，我知，係一對新人結婚，但有時有些新人想將婚宴變成dream party，玩下 thematic，我見過婚宴有人加入war game環節，又或者有跑馬仔抽獎環節，同攪一個out of the box的event 不遑多樣。

其實整個婚宴最麻煩係揀場地，亦是最容易。最麻煩當然係場地同你講，揀果日係好日子，可以pencil mark，不過，你係waiting list第2/3個；但係catering sales又會不時捽你，「小姐，你之前hold的位，confirm得未?我地公司要求30%訂金。30%訂金—動輒成10幾萬，如果你揀日子係一年半載後，你放下訂金的決定，十分高危。高危係因為太多變數，尤其農曆年後，通常係酒樓執笠高風期，萬一有咩事要換地方，你要的dream wedding加添一點遺憾。相反，只要你百無禁忌，任何人棄你取的日子，當然易攪得多。

喜帖...待續，太累啦，打打下字都可以烚著...

終於有時間回來再續...喜帖，跟攪event一樣，除非你大排延席，印喜帖的數量一定不會太多。千萬不要信wedding planner guide要你提前兩個多個月印，因為他們outsource再outsource designing team，不會主動跟你follow up，所以起一個普通layout要一星期，甚至10個工作天，不足為奇。其實，坊間的印帖店已經把格式弄好，只需要填上資料，用不著費心。我目睹過有新人拿朋友的舊帖，說要依足款式去做，一面拿著放大鏡，研究字款筆劃.....望望手錶他們應該在店裡坐上了超過一個鐘頭，我不禁佩服店員的耐性。說真的，作為過來人，根本賓客不太理會帖的款式，遑論字體款式，所以我建議費不多心神在這方面，只要在派帖前三星期做好決定，便可以依計畫忙其他的事情。

對，還有一項要留意的就是photography同video shooting。結婚一生人一次，要捕捉最美的一刻...但我見過坊間，甚至facebook group 有人開天殺價，pre-wedding picture要用上過萬元，wedding 當日更要用上數萬元，當然知名的大師級收費更貴，所以在揀選攝影師時，除了睇past reference，也要問清楚額外相片或配件的費用，到要埋單結帳也不會嚇一跳。

姑勿論怎樣，結婚是人生大事，一對新人才主角，無論之前的準備功夫有多煩惱，都是值得的。好好享受你們的大日子!