停一停、諗一諗

曾幾何時，我有想像過公關顧問的地位，如醫生一樣崇高。先別笑，試試想想，雖然我們沒有專業考試，在正常程況，我們的tone and manner，可以跟醫生一樣。

無論in-house同agency，你總會遇到一個情況: 老細或客戶跟你說：「某個高層會來香港數天，你同我安排幾個記者做訪問。講咩?可以係呢D，呢D，果D，果D...或者唔知架，佢會自動爆肚，邊有得問?」當然被訪者有相當份量，或者本地市場有獨特見解，言之有物，這個是最易辦。如果是後者，連故事內容也不知道的話，試問何來有聽眾? 不過，作為公關，我們會從不同角度問好多問題，引導客戶的思維，令他們構思一個故事。當然，這個scenario多數發生正宗"老外"公關公司，(一定係正宗，"混血兒"不計) ，因為他們的地位較為崇高，得到客戶信任，願意花上較多時間，如果以hourly rate計算的話，單單preparation都可能花上數位數字的consultation fee. 如果你係in-house難度會高一點，試問哪個老細會有耐性跟你坐低踱故事?敢得罪一句，好多時老細都會自視過高，以為有廣告budget在手，可以呼風喚雨；我從來覺得有廣告budget，可以相輔相成，總不能不可一世，縱使完成訪問，但如果言之無物，換來背後閒言閒語，對閣下的公關形象傷害更大。

萬一你下次抱恙，不妨跟醫生說多一點前因後果，相信更能對症下藥。